गीत,कविता और कहानी |
| करलेहू सुरता मोर(तोषण चुरेन्द्र धनगांव) Posted: 02 Dec 2021 06:33 PM PST
चल देहूँ जग छोड़के संगी चल देहूँ जग छोड़के संगी करलेहू सुरता मोर जीयत मरत ले मोर संग मा बँधे रहे मया के डोर तुँहरे संग मा खेलेंव कुदेंव तुँहरे संग मा बाढ़ेंव बनके आज माटी के लोंदा ये भुँइया मा माढ़ेंव जुड़ अमरइय्या नदिया के तीर मा करहूँ मँयह हिलोर जीयत मरत ले मोर संग मा बाँधे रहू मया के डोर चंदा बरन मोर गीत चमकही चारो मुड़ा बगरही कविता उही सूरूज बरोबर सबके आँखी उघरही बनके चिरइय्या फूदकत रहूँ घर अंगना गली खोर जीयत मरत ले मोर संग मा बँधे रहे मया के डोर हँसी खुशी मा जिनगी बिताहू हावय मोर बिनती चार दिन के मिले हे जिनगी हावय यहू हा गिनती बनके "दिनकर" चमकत रहिहँव गाँव गली चहूँ ओर जीयत मरत ले मोर संग मा बँधे रहे मया के डोर रचनाकार तोषण चुरेन्द्र "दिनकर" धनगांव डौंडी लोहारा बालोद छत्तीसगढ़ रचना दिनाँक 03/12/2021 शुक्रवार |
| You are subscribed to email updates from गीत,कविता और कहानी. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
कोई टिप्पणी नहीं:
एक टिप्पणी भेजें